ЖИРГЭЭ - 2

Жиргээнд нэгдээд 1 жил болж, энд 19356 удаа жиргэсэн, ... арай л их чалчсан бна шүү. Өдөр бүр дунджаар 53 орчим болох нь :-))) Уншдаг 456, Уншуулдаг 2778 хүнтэй

Жиргээнд амьдралын олон өнгө, алдаа, оноо, учрал тохиол бүгд тусгалаа олдог: мэдээлэл, мэдлэг, ухаарал, цэцэрхэл, мэдэмхийрэл, мэтгэлцээн...

Бас энд үзэл бодол, албан хэрэг, дэмий чалчаа, зугаа цэнгэл, хов жив, хор найруулга, уянга, утгын халил ... бүр хайр, хардалт ч байж л бгаа

***
Цаг хугацаа өнгөрөхөд бүх зүйлс өөрчлөгддөг гэх боловч Яг үнэндээ бид өөрсдөө л өөрчлөгдөж үлдсэн байх нь түгээмэл зүй тогтол гэнэ шүү

*** 
 Байгалийн жамыг зөрчихөөр л хүний ёс, мөн чанар гэдэг юм заавал тэр доор хаягдах юм даа

*** 
Энгэрт ивлэн саамшсан хөхөө үлгэн тэмтчих Үрээ өмөлзөхийг харах шиг тийм жаргалыг энэ орчлонд юутай ч зүйрлэшгүй

*** 
Өдөр = Шөнө .. Өгөө = Аваа .. Алдаа = Оноо .. Инээд = Нулимс .. Баяр = Гуниг .. Хүсэл = Хясал .. Учрал = Хагацал .. Эн тэнцүүхэн л ОРЧЛОН до

*** 
Бүх юм хоорондоо тэнцүү мэт. Харин БИ ..... юутай тэнцдэг юм бол ооо ???

*** 
Олж харж л чадвал, ердөө олж харахыг хүсвэл энэ Орчлонд өнгө төгс гоо цэцэгс хаа сайгүй л дэлгэрч байдаг юм шүү дээ.

*** 
Чулуу мэт сэтгэлтэй, Төмөр мэт ажилладаг, Программ мэт тархитай болчихвол ... Хүн биш РОБОТ гэж нэрлэх нь зөв болох ч юм уу

*** 
Чанга хашгирсан элдэв үг цуурайтсаар оргүй хоосон тийш замхардаг. Харин зөөлхөн шивнээд хэлсэн үнэн үг зүрхний чинадаас агшин бүрт сонсогддог.

*** 
Энэ хорвоогийн хамгийн яруухан, аялгуу тансаг хөг эгшиг нь бүсгүй хүн юм гэнэ лээ. Харин Эр хүн та хамгийн чадварлаг Хөгжимчин нь байгаарай.

*** 
Юу ч байсан Оргүй хоосноос л дээр гэж нэг үе боддог байлаа. Харин одоо Юу ч үгүй байх нь заримдаа илүү болохыг ойлгож, хүлээн зөвшөөрсөн шүү

*** 
Аян зам, ер нь алив зүйлс, Амьдрал бүхэлдээ эцэс төгсгөлтэй байдаг нь сайхан хэрэг. Гэхдээ хамгийн гол нь энд Амьдарч байгаа нь л Чухал шүү дээ.

*** 
Амьдралын харгуйд хаа нэгтээ саад болж тохиосон том, жижиг "чулуу"-г өшиглөн зайлуулахад Миний хөл биш ЗҮРХ минь асар ихээр өвддөг шүү.

*** 
Зуун жил амьдрах биш дээ, хүмүүс ээ ... Нэг нэгэндээ найрсаг байх юм сан даа. Зарим нь дэндүү хүйтэн, хэтэрхий хатуу юм аа :-(((

*** 
Өчигдөр үхсэн ... Маргааш төрөөгүй байна ... Тиймээс Өнөөдөр бол бидний амьдарч байгаа цор ганц Өдөр юм шүү дээ

*** 
Үг худал байж болно, итгэх хэрэггүй. Үзэл санаа ч өөрчлөгдөж болно, битгий итгэ. Гагцхүү үйл хөдлөл ҮНЭН тул түүнд л ИТГЭЭРЭЙ.

*** 
Зөрчил огт үүсэхгүй бол мөхөл ойрхон байж ч мэдэх. Амьдралын амтанд чихэр, давс хоёулаа л хэрэгтэй дээ

*** 
Гоё хоол хийчхээд, түүнийг амтархан идэхийг нь харах ч Сайхан мэдрэмж шүү ... Хоолыг ямар ч хүн бусдад л зориулж хийдэг юм билээ

*** 
Дэлхийгээр дүүрэн оргодлууд бдг ч дээшээ буцахыг хэн нь ч яардаггүй л гэдэг дээ ... Амьдрал гайхалтай, Амьдрах сайхаан гэж ...

*** 
Хүмүүсийн сэтгэл дотроо бүтээсэн орчлон Бодит ертөнцийн амьдралтай бараг л нийцдэггүй бололтой дог шүү. Яагаад юм бол оо ...

*** 
Хөдөөгийн буйдхан тосгонд амьдардаг хүмүүсээс илүү том суурин, хотод оршин суугчид ганцаардалд илүү их өртдөг гэсэн судалгаа байдаг.

*** 
Ганцаардал хэдийгээр тун таагүй мэдрэмж боловч Хүнд өөрийгөө таних, Бусдыг шинээр олж харах, Орчноо дахин ухаарах боломж олгодог сайн талтай

*** 
Алдаа хийснээ зүгээр л туршлага нэмэх үйлдэл гэж хармаар байдаг ч Сайхан боломж ашиглаж чадсангүй гэх харамсал заримдаа шаналгадаг

*** 
Хичээж л явна даа ... гэхдээ санаснаар бүтэхгүй, хүслээр болохгүй түмэн хяслан энэ амьдралд зөндөө олон юм билээ 

*** 
Ер нь юмыг дуусгах, сүйтгэх ихэнхдээ л амархан талдаа байдаг сан даа, харин энэ нэг юм .... яавал дуусаад өгөхийм бол оо гэж ... :-(((

*** 
Санаснаар бүтдэггүй л тавилан ч гэсэн сөхөрч бүдчээд ч хамаагүй Сөрөөд хэсэг явж үзмээр адгуу хүсэл хааяа төрдөг өө.

*** 
Хүмүүс сайн сайхан зүйлсийг бүтээх гж насан туршдаа, хамаг чадлаараа хичээн зүтгэдэг байхад элдэв муу зүйлс хар аяндаа л зам дээр хөндөлсөж байдаг

*** 
Итгэл бол яг шил шиг, цаас шиг ... Санаадгүй унагаад хагалчихвал, үнгээд үрчийлгэчихвэл хожим яаж хичээгээд ч Анхных шигээ болгох боломжгүй

*** 
Эргээд харахад бусдын төлөө бас ч гэж өөрийгөө гамгүй л үрсэн санагддаг шүү.

*** 
"Энэ чинь л амьдрал юм шүү дээ" гэж заримдаа чанга хашгирмаар ч юм шиг ... эсвэл юу ч дуугарахгүй байсан нь зөв юм бол ууу

*** 
Яаж ийгээд өөрийгөө өөрөө л өөд нь татахгүй бол өөр хэн түүнийг чадах билээ дээ. Өөдрөг бүхнийг бусдад түгээх сэн дээ. :-))

*** 
Цаг хугацааны эргэлтэд саарахгүй шалгарч үлдэхийн тулд өөртөө итгэж, бусдад найдаж ... олон зүйлийг тэвчиж ХҮЛЭЭДЭГ байх аа.

*** 
Хоосон мөрөөдөж намирахгүй ээ, хүслээ биелнэ гэж итгэж хүлээнэ. Бас тэгээд биелүүлэхийн төлөө хичээж, чадах бүгдээ хийнээ. :-))

*** 
Хүлээлт, Итгэл гэсэн хоёрхон үгний дотор л Хүний амьдрал бүтнээрээ багтдаг юм биш үүү

*** 
Монгол vs Казак баяр: Монголчууд -Ширээ дүүрэн хоол өрчхөөд идэхгүй баярладаг. Казакууд -Газраар дүүрэн Хоол дэлгэчхээд идэж баярладаг. :-))

*** 
Мөчиртөө зүүгдэн хорогдсоор хаврыг хүлээж үлдсэн энэ навчны сүүлчийн хүсэлд ЮУ нуугдаж байгаа бол оо

*** 
Гуниглах нь маргаашийн зовлонг багасгахгүй хэрнээ Харин ч өнөөдрийн хамаг эрч хүч, тамир тэнхээг барчихдаг.

*** 
Эмэгтэй хүн байх ХЭЦҮҮ - Эр хүн шиг бодож, Хатагтай мэт хийж, Залуу бүсгүй шиг харагдаж, Илжиг мэт ажиллах...

*** 
Алдаа хийчихлээ гэж сандарч, гэмшин шаналах хэрэггүй ээ. Харин энэ миний амьдралын дараагийн цоо шинэ Амжилтын эхний Алхам гэж тооцоорой.

*** 
Туршиж үзээд алдах нь Юу ч туршиж үзэлгүйгээр амьдралын нэг өдрийг үдэхээс хавьгүй дээр ... Амжилт илүү ойрхон байгаа шүү !!!

*** 
Хүмүүс жаахан амжилтдаа бардамнахын оронд Өөрийнхөө алдааг үнэлэн, түүнээс суралцаж чаддаг байвал Мөрөөдлөө биелүүлэх илүү Амархан.

*** 
Эр хүн нэгэнт явахаар шийдсэн бол аль болох хурдан явуулсан нь дээр, түүнийг зогсоох зүйл чиний нулимс гэдэг нь шааал худлаа

*** 
Амьдралд "Хэрвээ?" гэдэг асуулт их олон таардаг. Эргэлзээ дүүрэн өдрүүд ... тэглээ ч өөрөө шийдээд хийсэн СОНГОЛТ бүхэн хамгийн зөв нь юм шд

*** 
Бас зөндөө олон "Яагаад?" бий. Халгамаар, Хаа хамаагүй ч юм шиг ... Хариултыг нь бусдаас биш өөрөөсөө олж авбал илүү амар баймаар санагдах

*** 
Хүн хүнийхээ дэмэнд, Загас усныхаа хүчинд гэлцэх ... Дэмжихээ байг гэхэд нэг нэгэндээ түвэг болохгүй байдаг болоосой

*** 
Зоригтой эрэлхэг, Бяртай хүчтэй гэхээс илүү Ухаалаг уужуу, Хэлсэндээ хүрдэг, Хүн чанар, Жудагтай байхад л Эр хүн шиг Эр ХҮН дээ гэж үнэлдэг.

*** 
Эр хүний нөмөр нөөлгөөр Бүсгүй хүн дандаа дутаж явдаг юм шд. Сэтгэлээ дэлгэн эрхэлсэн Бүсгүйн зүрхийг дандаа гийгүүлж, Хайрлаж яваарай

*** 
Ирэхэд чинь би инээмсэглэж, сэтгэлээ дэлгэж угтсан, харин явахад чинь дув дуугүй л үдсэн. Гэхдээ ...

*** 
ХАЙРТАЙ гэдэг чинь Хамааралтай, Хамтдаа гэсэн утгатай байх. Хаа нэг сэмхэн Хардалт ч бас байх л биз.. Харин таг чиг байгаа бол .. Бүх юм дууссан гэсэн үг

*** 
Жаргалаа багтааж ядан баясаж суухад бараа сураг ч гаргаагүй хэрнээ Зүдэрч гуних үед сэтгэлээ хуваалцах сайхан нөхөд олон байгаасай.

*** 
Орчлон түмэн өнгө, буман өнцөгтэй. Энд байх бүх өнгө ТӨГС, бүгдээрээ ГОЁ, олж харж л чадвал .. Нэг нь ч илүү биш .. Энэ Миний л Бодол

Гэгээн Хүсэлдээ, Сааршгүй Итгэлээ дайгаад, Сэтгэл цэлмэтэл жиргэхийг хичээх болноо 

Та бүхний надад өгсөн урам, талархлын сайхан үгэнд Сэтгэл минь сэвхийтэл хөнгөрөөд, цэлмэг тэнгэр мэт цэлийж байна, БАЯРЛАЛАА