ҮДЭШ

Сайн байна уу гэж

хөндийхэн мэндлээд зөрсөн

Сайхан залуу минь чи

юунд эргэж хараав

Салхи анирласан үдшийн

бүдэг цагаан гэгээнд

Санаа хоёрдон ганцаараа алхах

уйтай байсан уу

Санаа хоёрдон ганцаараа алхах

уйтай байсан уу

Сайхан залуу минь юунд

бодолд дарагдан гуниглаав

Сар мичид тохиох шиг

учрал хагацлын хэлхээсэнд

Санаадгүй гэмтнээр тодорчхоод

буруутанг хайж явна уу

Санаадгүй гэмтнээр тодорчхоод

буруутанг хайж явна уу

Сайхан залуу минь тэгвэл

эргээд над руу алх даа

Саатаж хоёулаа хуучлаад

уйтгараа марттал зугаалъя

Салаад гэр рүүгээ буцахад

гуниг бүхэлдээ мартагданаа

Салаад гэр рүүгээ буцахад

гуниг бүхэлдээ мартагданаа

Сайхан залуу минь харин

надад талархахаа битгий март

Саваагүй хүслийнхээ зугааг

гудамжны үзүүрт орхичхоод

Сайн байна уу гэж

инээмсэглэн мэндлээд зөрөөрэй