ГЭГЭЭН ХҮСЛЭН

Нар шингэсэн ч

бүрий тасралгүй

зөндөө удаасай

Навчис шарласан ч

хатаж гандалгүй

цасанд дарагдаасай

Намуухан тэр л үдшээр

жаргал мөрөөдөн алхаж

Намайг олоогүй дурлалд

зүгээ ололгүй төөрөх сөн

Үүр цайсан ч

гэгээ оролгүй

жаахан байгаасай

Үлгэр жаргасан ч

хөгжим дуусалгүй

зүүдэнд хөврөөсэй

Үүлэн сүүдэр тусаагүй

өглөөн наран туяарахад

Үгээ хэлээгүй хайрын

бал бурмыг амтлах сан

Хаан байсан ч

бүтэн жаргадаггүй энэ амьдралд

Харгуй зам бүхэн

дардан байдаггүй юм билээ

Халгай хүртэл цэцэглэм

тийм гэгээн амгаланд ч

Хайр учрал бүхэн

сэвгүй байдаггүй юм билээ

2004.07.08                     23.30