Учрал бүхэн ...

Учрал бүхэн дандаа

хөнгөхөн дурсамж үлдээж

Уруул даваагүй үгс

бодолд шингэн өтгөрдөг

Уруудаж өгссөн тавилангийн

зөрж чадаагүй хэмнэлд

Ууч харамгүй сэтгэл

сэмхэн хааяа хөндүүрлэдэг

Нарны доорх орчлонд

чи надаар дутаагүй ч

Намайг чамтай учруулсан

хаврын хотод баярладаг

Үл мэдэгхэн сүүмэлзэх

хүсэл хайрын галыг

Үгүй гэлгүй асаачихсандаа

яагаад ч юм харамсдаг

Өөрийгөө ч танихгүй төөрчихдөг

сэтгэл халгам зүүдэнд

Өнгө дутуу байсан бол

чамайг үгүйлсэн нь тэр

Өр нэхэлгүй мартагддаг

гуниг сэргэм мөрөөдөлд

Өөрөө илүү байсан бол

чамаас уйдсан нь тэр

2004.04.15