Хүссээр ...

 Хүссээр байж л тэр үдэш

би чамайг олсон

Хүний нүднээс нуугдан байж

би чамайг хүлээсэн

Хэнээс ч юм бэ, бүр өөрөөсөө ч

би айж байсан

Хэзээ ч юм бэ, нэг цагт

би чам руу очих л байсан

Магадгүй чи намайг

танихгүй байсан ч юм бил үү

Мартчихаад тэгээд

огт санахгүй ч явсан юм бил үү

Магнаг цэнхэр тэнгэрийн доорх

учрал заяаг тэгшитгэж

Маргааш нь л харин чи над руу

заавал ирэх байсан байх