Бүдэгхэн ...

Бүдэгхэн харгуйг дагаад

цуцталаа тэнэлээ

Бүлээхэн салхийг хэрээд

ханатлаа эрхэллээ

Бүгээхэн тавиланг сөрж

зөндөө холдлоо

Бүр мартчихаж болдоггүй

чамайгаа дурслаа

Зүрхэнд үлдээсэн чиний зай

бараг хоосон ч гэсэн

Зүүдэнд хааяа ирдэг

зүггүй төрх чинь тэр л хэвээрээ

Зөндөө олон жил өнгөрч шүү гэж

хааяа гунихад

Зөөлөн цагаан бороо

зүрх норгон шивэрнэ

Минийх байж болохгүй

дурлалын дарсанд мансуурч

Мэргэ төөрмөөр учралд

санаа хоёрдохгүй очсон ч гэлээ 

Мэндийн зөрүүнд нуучихсан

хүслээ дэлгээгүй болохоор

Мэдэж амжаагүй бүхнийг минь

он цаг надад таниулсан