Шаттлаа ...

 

Шаттлаа дурласан зүрх чинь

хүнийх болчихсон гэж

Шаналж хайлсан сэтгэлд чинь

миний зай үлдээгүй гэж

Өнөөх их хайр чинь

юу ч үгүй дуусчихсан гэж

Өчигдөртэй хамт тэгээд

бүх юм мартагдсан гэж

Цэнгэл амталсан зүүднээсээ

сая сэрэхдээ л ухаарлаа

Цээжинд байсан гунигийг

нулимсаар нэрж уужирлаа

Сул асгарсан тэр нулимс

давс шиг шорвог байсан ч

Сураг алдарсан хайрын дарсыг

яагаад ч гүйцэхгүй юм билээ

Холдоод явчихсан барааг чинь

санаа алдан ширтэхэд

Хоног сарын эргэлтэд

хайрын дурсамж хуучирнаа

Хойтон хаврын борооноор дахиад

цоо шинээр дурласан ч

Хорьдын сартай шөнөөр

зүүдийг чинь үймүүлж сэрээнээ